04:58 - 27/01/2019
پارتی و یه‌كێتی به‌پلانێكی نوێوه كێشه‌كانی نێوان چاره‌سه‌رده‌كه‌ن
پارتی دیموكراتی كوردستان و یەكێتی نیشتیمانی
كوردستان، دوو لیژنەی جیاواز بۆ چارەسەری كێشەكانی نێوانیان پێكدەهێنن و لیژنەیەكیان
چوار ساڵ دەمێنێتەوە.
بەپێی ئەو زانیارییه‌كان، پارتی دیموكراتی كوردستان و یه‌كێتی نیشتیمانی رێككەوتوون لەسەر
دروستكردنی دوو لیژنە بۆ چارەسەری كێشەكانی نێوانیان.
لیژنەیەكیان تایبەت دەبێت بە دۆخی كەركوك و
گفتوگۆ لەگەڵ حكومەتی بەغداد و هەرێم و عەرەب و توركمانەكانی كەركوك دەكات بۆ ئاسایكردنەوەی
دۆخی پارێزگاكە و دانانی پارێزگارێكی كورد بۆ شارەكە.
لیژنەی دووەم تایبەت دەبێت بەگفتوگۆكانی پێكهێنانی
حكومەت، سەرچاوەكەی پەیسەرپرێس دەڵێت هەردوولا لەسەرئەوە كۆكن كە ئەو لیژنەیە بۆ
ماوەی چوار ساڵ بمێنێتەوە بۆ ئەوەی یەكێتی و پارتی هەر كێشەیەكیان لەحكومەتدا هەبوو
لەرێگەی ئەو لیژنەیەوە بخرێتە ڕوو هەرلایەنێكیشی گلەیی یان كێشەی هەبوو بخرێتە بەردەم
لیژنەكە.
ئەركێكی تری ئەو لیژنەیە چاودێریكردنی رێككەوتنەكەی
یەكێتی و پارتیە بۆ ئەوەی بزاندرێت چ لایەنێك پێوەی پابەندنابێت و پێشێلی دەكات.
به‌پێێ زانیارییه‌كان، یەكێتی و پارتی لەوە نزیك
بوونەوە كە رێككەوتنێك هاوشێوەی رێككەوتنی ستراتیژی بەڵام بە دەستكاریەوە واژۆ بكەن
و ئەو لیژنەیەش چاودێری جێبەجێكردنی رێككەوتنەكە دەكات.