04:06 - 15/11/2022
سەرۆک کۆمار بۆ دوو پرس لەگەڵ بارزانیدا کۆبووەوە
لەتیف ڕەشید، سەرۆک کۆماری عێراق، دوای وەرگرتنی
پۆستەکەی سەردانی هەولێری کرد و نێچیرڤان بارزانی، سەرۆکی هەرێم پێشوازی لێکرد و لەگەڵ
مەسعود بارزانی کۆبووەوە.
پاشنیوەڕۆی ئەمڕۆ، لەتیف ڕەشید، لەگەڵ مەسعود
بارزانی، سەرۆکی پارتی کۆبووەوە و لە کۆبوونەوەکدا دوو تەوەری سەرەکی باسکراوە.
بە گوێرەی زانیارییەکانی "زەمەن" لەتیف
ڕەشید دەیەوێت نێوەندگیری بکات لە نێوان یەکێتی و پارتیدا و ئەو گرژییەی ئێستا لە
نێوان ئەو دوو لایەنەدا دروستبووە بەرەو کەمبوونەوە و ڕێککەوتنی ببات، هەروەها دۆسییەی
دووهەم دەیەوێت پەیامی حکومەتی عێڕاقی بگەیەنێت بە بەرپرسانی هەرێم بەتایبەت لە
بارەی ئامادەکردنی ڕەشنوسی یاسای نەوت و گازی عێڕاق، کە ئەو ڕەشنوسە بە شێوەیەک بێت
کێشەکانی نێوان هەولێر و بەغدا چارەسەر بکات.
له‌باره‌ی كۆبونه‌وه‌كه‌وه، باره‌گای بارزانی بڵاویكردوه‌ته‌وه، بارودۆخی
سیاسیی عێراق و پێشهاتەکانی ناو پڕۆسەی سیاسی و هەنگاوەکانی حکومەتی تازەی عێراق
تاوتوێ کرا و هەردوولا پاڵپشتیی خۆیان بۆ حکومەتی عێراق و جێبەجێکردنی بەرنامەکەی حکومەت دووپات کراوه‌ته‌وە.
هەر لەو دیدارەدا ڕۆشنایی خرایه‌سەر پەیوەندییەکانی عێراق و وڵاتان و کۆمەڵگەی
نێودەوڵەتی و جەخت لە ڕۆڵ و پێگەی عێراق لە ناوەندە هەرێمی و نێودەوڵەتییەکان کرایەوە.
هەروەها ئەوەش خرایە ڕوو کە پێویستە گرفتەکان دوور لە زمانی هەڕەشە و لەسەر بنەمای
دیالۆگ چارەسەر بکرێن. به‌پێی راگه‌یه‌ندراوه‌كه.