05:21 - 10/05/2022
بێریڤان ئه‌یوب: له زیندان تووشی شه‌كره‌م بووم
بێریڤان ئه‌یوب، ژنە چالاکوانی بادینان دایکی پێنج
منداڵ دوای تەواو بونی سزاکەی ئه‌مرۆ ئازاد كرا.
به‌شدار حه‌سه‌ن پارێزه‌ر، به "زه‌مه‌ن"ی
راگه‌یاند: رۆژی شه‌شی نیسانی ئه‌مساڵ، دادگای دووی هه‌ولێر سزای دوو ساڵ زیندانی
بۆ بێریڤان ئه‌یوب ده‌ركرد، له‌به‌رئه‌وه‌ی نزیكه‌ی ساڵێك و پێنج مانگ له زیندا
بوو، بڕیاریدا به ئازادبوونی مه‌رجدار واته كه‌مكردنه‌وه‌ی حكومه‌كه‌ی بۆ ماوه‌ی
شه‌ش مانگ ئازادی بكات.
به‌شدار حه‌سه‌ن، وتی: ده‌بوایه پێش جه‌ژن بێریڤان
ئازاد بكرایه به‌ڵام به‌هۆی ڕوتیناتی دادگاوه ئازادكردنه‌كه‌ی بۆ ئه‌مڕۆ سێشه‌ممه
10ی ئایار دواخرا.
له كۆنگره‌یه‌كی رۆژنامه‌وانیدا، بێریڤان ئه‌یوب،
وتی: له
زیندان تووشی شه‌كره بووم چاوه‌كانم كه‌م ده‌بینن، سه‌ره‌تا به‌هۆی ئه‌وه‌ی هه‌شت
جار مانم گرت كێشم دابه‌زی بوو. وتیشی: له ڕووی مرۆڤایه‌تیه‌وه له زیندان مامه‌ڵه‌یان
له‌گه‌ڵم باش نه‌بوو.
بێریڤان ئه‌یوب، بەپێی مادەی ١ له یاسای ژماره ٢١ ی
سالی ٢٠٠٣ی پەرلەمانی کورستان دەستگیرکرابوو، کە تایبەتە بە تێکدانی ئاسایشی
هەرێمی کوردستان.