08:34 - 10/10/2021
خه‌ڵك 329 نوێنه‌ر هه‌ڵده‌بژێرن
ئەمڕۆ یەکشەممە هاوڵاتیان لە هه‌رێمی کوردستان و
ته‌واوی پارێزگاكانی عێراق، به‌مه‌به‌ستی هه‌ڵبژاردنی 329 نوێنه‌ر، بۆ په‌رله‌مانی
عێراق روو له سندوقه‌كانی ده‌نگدان ده‌كه‌ن.
هه‌ڵبژاردنه‌كه كاتژمێر 7ی سه‌رله‌به‌یانی ئه‌مڕۆ
10ی 10ی 2021، ده‌ستیپێكرد و له كاتژمێر 6ی ئێواره به شێوه‌یه‌كی مه‌ركه‌زی
سندوقه‌كانی ده‌نگدان داده‌خرێن.
بۆ دەنگدانی گشتی، 23 ملیۆن و 986 هەزار و 741
دەنگدەر مافی دەنگدانیان هەیە. سێ هەزار و 226 كاندید کێبڕکێ بۆ بەدەستهێنانی 329
کورسی پەرلەمانی عێراق دەکەن. کۆمیسیۆنیش رایگەیاندووە،
دوای 24 کاژێر ئەنجامە بەراییەکان بڵاودەکەنەوە.
لەم هەڵبژاردنەدا
دەنگدەران لە هەشت هەزار و 273 ناوەندی دەنگدان لە عێراق و هەرێمی کوردستان
دەنگدەدەن. ته‌واوی عێراق دابەشکراوە بەسەر 83 بازنەدا. بۆ هەر بازنەیەک کۆتایەک
بۆ ژنان دانراوە. هەروەها نۆ کورسی بۆ کۆتای پێکهاتەکانی کریستیان، شەبەک، ئێزدی،
سابیئە و کوردانی فەیلی تەرخانکراون.