10:14 - 13/10/2019
مەترسی سەرهەڵدانەوەی داعش و بودجەی پێشمەرگە تاوتوێ دەکەن
شاندێکی وەزارەتی پێشمەرگەی هەرێمی کوردستان سەردانی بەغدا دەکات و لەگەڵ
وەزارەتی بەرگری عێراق مەترسیەکانی سەرهەڵدانەوەی داعش تاوتوێ دەکەن.
بە پێی زانیاریەکانی پەیسەر پرێس شاندێکی وەزارەتی پێشمەرگەی هەرێمی
کوردستان بە سەرۆکایەتی شۆڕش ئیسماعیل وەزیری پێشمەرگە و بریکاری وەزارەتی پێشەرگە
و سەرۆک ئەرکانی پێشمەرگە سەردانی بەغدا دەکەن و لەگەڵ بەرپرسانی وەزارەتی بەرگری
عێراق کۆدەبنەوە.
بە پێی زانیاریەکان هەوڵ دەدرێت هێزێکی هاوبەش بۆ پاراستنی سنورەکانی عێراق
و هەرێمی کوردستان پێکبهێنرێت و بەو
شێوەیە ڕێگری لە هەڕەشەکانی داعش بگیرێت کە ماوەیەکە لە ناوچە سنوریەکانی عێراق و
سوریا جمووجۆڵیان دەستپێکردووەتەوە.
هەروەها ئامانجێکی دیکەی سەردانەکە، پرسی بودجە و مووچەی هێزی پێشمەرگەیە
کە تا ئێستا بە شێوەیەکی ڕێک و پێک نەنێردراوە.