03:40 - 17/03/2019
پۆسته‌كانی حكومه‌ت كێشه‌ی زیاتر بۆ یه‌كێتی دروست ده‌كات
دوای ئه‌وه‌ی له كۆبوونه‌وه‌كانی مه‌كته‌بی سیاسیدا، یه‌كێتی نیشتیمانی كوردستان نه‌یتوانی كاندیدی سه‌رۆكی په‌رله‌مان یه‌كلایی بكاته‌وه، كاندیدی پۆسته‌كانی دیكه‌ی كابینه‌ی نوێش كێشه‌ی نێوان باڵه‌كانی ئه‌و حیزبه‌ی قوڵتر كردوه‌ته‌وه.
به‌پێی ئه‌و زانیاریانه‌ی له‌ناو مه‌كته‌بی سیاسی یه‌كێتییه‌وه ده‌ست په‌یسه‌رپرێس كه‌وتووه، دوای ئه‌وه‌ی مه‌كته‌بی سیاسی سه‌ركه‌وتوو نه‌بوو له دیاریكردنی كاندید بۆ پۆستی سه‌رۆكی په‌رله‌مان، پێشنیارێكی نوێ كراوه تا كاندیدی پۆسته‌كانی دیكه‌ی كابینه‌ی نوێ كه پشكی یه‌كێتییه یه‌كلا بكرێته‌وه بكرێته‌وه، به‌ڵام له‌مه‌شیاندا باڵه‌كانی ئه‌و حیزبه نه‌گه‌یشتونه‌ته رێككه‌وتن.
زانیارییه‌كان به‌شێوه‌یه‌كه، بۆ هه‌ر پۆستێك (وه‌زاره‌ت و راوێژكار و بریكاره‌كان) زیاتر لە دوو كاندید هەبووە و رێككەوتنیش لەسەر هیچ میكانزمێك نەكراوە بۆ یەكلایی كردنەوەی ئەو پۆستانە.
لهه‌وباره‌وه سه‌رچاوه‌یه‌ك ئه‌وه‌ی به په‌یسه‌رپرێس راگه‌یاند: ماڵی تاڵەبانی دەیانەوێت زۆرینەی پۆستە وزاریەكان بۆ ئەندامانی نزیك لەخۆیان بێت و رێككەوتن و تەوافوقیش لەگەڵ باڵی كۆسرەت رەسوڵ و ئەندامانی تری مەكتەبی سیاسی رەتدەكەنەوە.
دەشڵێت، پێشنیارێك كراوە كە جارێ پۆستی سەرۆكی پەرلەمان نەكرێتە كێشە و ناوی وەزیرەكان رادەستی پارتی بكرێت بەڵام بەهۆی ئەوەی رێككەوتن لەسەر وەزیرەكانیش نەكرا، بەپارتیان راگەیاندووە كە ئەوان ئامادەنین بەوشێوەیە بەشداری پێكهێنانی حكومەت بكەن.