03:07 - 23/12/2018
كۆتا پێغه‌مبه‌ر لای قادیانییه‌كان غوڵام میرزا ئه‌حمه‌ده
له دوای مردنی په‌یامبه‌ری ئیسلامه‌وه چه‌نئاین كه‌س
وه‌كو بانگه‌شه‌ی پێغه‌مبه‌رایه‌تی خۆیان به خه‌ڵك و شوێنكه‌وتوانی .به‌ڵام هه‌رزوو خه‌ڵكیان لێ ته‌وه‌لا
بوو. قادیانییه‌كان له ساڵی 1889 له‌سه‌ر ده‌ستی كابرایه‌یه‌كی به‌ڕه‌چه‌ڵه‌ك فارس
سه‌ریهێداوه. پێناسەی جۆراو جۆر بۆ قادیانییه‌كان
كراوە، هەندێك دەڵێن ئاینێكی نوێیەو هەندێكی تریش دەڵێن ئاینزا(مەزهەبە)، ژمارەیەك
دەڵێن موسڵمانن و هەندێكی تر دەبێژن لەئاین دەرچوو بێباوەڕن.. هەندێك بە دروستكراوی
ئینگلیزەكانیان دەزانن و هەندێكی تریش بە پێچەوانەوە. هەرچۆنێك بێت قادیانییەت رێبازێكی
ئاینیە و ژمارەیەك شوێنكەوتەی هەیەو سەرچاوەكانیش باس لەوە دەكەن شوێنكەوتەكانی ئەم
بیروباوەڕە خەڵكانی ئەكادیمی گەروەیان هەیەو لەپرۆفیسۆرەوە بگرە تا دەگاتە دكتۆرا
و سەرجەم بڕوانامە ئەكادیمیە باوەڕپێكراوەكان. ئه‌وان ده‌ڵێن دامەزرێنەری قادیانی ئیمامی مەهدی‌و مەسیحی چاوەڕوانكراوە.
ده‌ڵێن تەنها لەڕێگەی كۆمەڵی ئیسلامی ئەحمەدییەوە ئیسلام زیندوو دەبێتەوە.له چه‌ندین
شوێنی كوردستانیش به شێوه‌ی نهێنی خه‌ریكی په‌یڕه‌و كردنی ئاینه‌كه‌ی خۆیانن.
مێژووه‌كه‌ی
لە كۆتاییەكانی سەدەی نۆزدەیەم و سەرەتای سەدەی بیستەم و
لە ساڵی 1889 گوندی (قادیان)ی سەر بە ویلایەتی (پنجاب)ی پاكستان- كە ئەو كات سەر بە
هیندستان بوو لە سەردەستی بانگخوازێكی هیندی بەڕِەگەز (فارس) بەناوی (میرزا غوڵام ئەحمەد قادیانی-1839-1908)
دروست بووە.
بە پێی سەرچاوەكان یەكەمجار میرزا ئەحمەد چالاكوان و
بانگەواز كارێكی دیاری ئیسلامی بووە، دوای ئەوە گۆڕانكاری بەسەر بۆچوونەكەیدا دێت
و خۆی بە (نوێكەرەوەی ئاین-مجدد) دەناسێنێت، دوای ئەوەش قۆناغێكی تر لە ژیانی دێتە
پێشەوە كە پێی وایە (حەزرەتی مەهدی)یەو پاشان خۆی لێدەبێتە هاوشێوەی (عیسای مەسیح)،
دواجاریش دەگاتە ئەو باوەڕەی كە (خودی عیسایە) چونكە بەپێی ئاینە ئاسمانییەكان عیسای
كوڕی مەریەم نەمردووەو تەنها بەجەستە لەناوماندا
نیسەو رۆژێك دێتەوە سەر زەوی.
بە تاعوون دەمرێت
میرزا غوڵام یەكەمجار پێی وابووە كە لە رێگەی ئیلهامەوە
خودا شتی پێگوتووەو دواتریش گوتی حەزرەتی جوبرەئیل وەحی بۆ هێناوەو (الكتاب المبین)ی
بۆ هێناوە، ئەو لەیەكێك لە بڕگەكانیدا دەڵێت"من دڵنیام لە خواوەندی بەخشندە،
منی ناردووە لەسەری سەد ساڵ دا بۆئەوەی ئاین نوێ بكەمەوە و روناكی بخەمەوە دەمووچاوی
میللەت و خاچ بشكێنم و ئاگری خاچپەرستان بكوژێنمەوە، ساڵانێك بێنمە پێشەوە كە خێرو
چاكەی بۆ خەڵكی تێدا بێت، ئەوەی خراپ بووە چاكی بكەمەوەو ئەوەی پشتگوێ خراوە بیهێنمەوە
پێشەوە، من مەسیحی وادە پێدراوو مەهدی چاوەڕوانكراوم، لەخواوە سروش (وەحی )و ئیلهامم
بۆ دێت، خودا خۆی قسەی لەگەڵ كردووم وەك چۆن قسەی لەگەڵ پێغەمبەرە بەڕێزەكانی تر
كردووە.
كاتێك بانگەشەكردنی مەسیح بوونی سەری نەگرت و وەك پێویست
جێگەی نەگرت ئیدی هاتە سەر ئەو باوەڕەی كە سیفەتاكانی لە پەیامبەری ئیسلام ەوە نزیكە:
لە جێگەیەكدا دەڵێت (خودا جارێكی تر موحەمەدی ناردوەتەوە بۆ قادیان تا بەڵێنەكانی
بباتە سەر)، كاتێك یەكێك یان هەر لایەنێك بیانەوێت وەڵامێكی بدەنەوە یان گومانێك لەسەر
ئەو دۆخە دروست بكەن ئەو بەڵگەی راستەقینەیی خۆی زیاتر دەهێنێتەوەو و دەڵێت لە
هاتنی پەیامبەری ئیسلامدا زۆر بوون ئەوانەی كێشەیان دروست دەكردو دەیانكرد بە دەنگە
دەنگ و هۆسە نانەوە.
وەك لە سەرچاوە مێژویی و ئاینییەكاندا هاتووە پەیامبەران
هەڵگری رەفتاری ریزپەڕو پەڕجوو ئاسان، هەریەكەشیان جۆرێك لە موعجیزەیان هەبووە،
كاتێك تاعون دەچێتە ناوچەكەیان میرزا غوڵام بە ئاشكرا باس لەوە دەكات كە خودا پێی
راگەیاندووە كە تاعون ناچێتە قادیان و ناوچەكانی ئەوان بە هیچ شێوەیەك بومەلەرزە لێی
نادات، هەر ئەو سەرچاوانە باس لەوە دەكەن كە خودی میرزا غوڵام بەو تاعوونە مردووە!
هەوڵیانداوە جیهاد نەهێڵن
سەرهەڵدانی بزووتنەوەی قادیانی لەكاتێكدا بوو كە بزووتنەوەی
چەكداری و جیهادییەكان لە دونیادا لەو پەڕی گەشەدا بوون و بزاوت و شۆڕشی جیهانی سێیەمیش
لەبەرەنگاری هێزە داگیركاریەكانی خۆرئاوادا بوون بەڵام قادیانییەكان لەبارەی ئینگلیزەكانی
هیندستان گوتیان (ئەوانە وەلی ئەمرو بەرپرسن لەم وڵاتە و گوێڕایەڵییان پێویستە). بە
پێێ هەندێك لە سەرچاوەكان میرزا غوڵام لە نامەیەكیدا كە بۆ ئینگلیزەكانی ناردووە
نوسیویەتی: من هەر لە سەردەمی لاوێتیمەوە و ئێستەش كە تەمەنم لە شەست نزیك بوەتەوە،
بەزمان و پێنووسەكەم كار بۆ ئەوە دەكەم، كە دڵی موسڵمانان لەسەر حكومەتی ئینگلیز
لابچێت و ئامۆژگاریم كردوون كە سۆزیان هەبێت بەرامبەرتان، من بۆچوونی جیهادم رەت
كردوەتەوە كە هەندێك لە گەنجەكان پەیڕەوی دەكەن... پاشان دەڵێت: من لەو باوەڕەدام
تا ژمارەی شوێن كەوتەكانی من زیاد بكەن لایەنگرانی جیهاد كەمتر دەبێتەوە، باوەڕبوونی
بە مەسیح بوون یان مەهدی بوونی من كاریگەری جیهاد كەمتر دەكاتەوە.
سەرچاوەكان باس لەوە دەكەن بەرژەوەندی هاوبەشی بازرگانی
و سیاسی گەورە هەبووە لە نێوان قادیانی و بەریتانیەكاندا لە هیندستان ، قادیانییەكان
هۆكارەكەی بۆ ئەوە دەگێڕنەوە كە ئینگلیزەكان توانییان موسڵمانان لە ژێر چەپۆكەی سیخەكان
دەربهێنن كە نەیاندەهێشت بیروباوەڕی خۆیان دەرببڕن و پەرستشەكانی خۆیان ئەنجام بدەن.
دوای جەنگی جیهانی یەكەم ئینگلیزەكان كەسایەتی دیاری قادیانییەكان
(حبیب الله شا)یان بە حاكمی عێراق دانا، هەروەها پشتیوانییان لە (زەفەر ئەڵاخان)كرد
تا ببێتە وەزیری دەرەوەی پاكستان.
قادیانییەكان لەندەنی پایەتەختی بەریتانیایان دیاری
كردووە بۆ كۆبوونەوەی ساڵانەیان و لەوێشەوە
پەیمانی ساڵانە بۆ خەلیفە دووپات دەكەنەوە. لە نەوەدەكانی سەدەی رابوردوودا تەلەفزیۆنێكی
ئیسلامی بە زمانی عەرەبی لە بەریتانیا (24)كاتژمێر پەخشی بەرنامەكانی بڵاو دەكاتەوە.
ژمارەی قادیانییەكان
لە پاكستان كە سەرچاوەی دروست بوونیانە، بەپێی قسەی سەركردەكانیان
بێت نزیكەی چوار ملیۆن كەس دەبن، لە بەنگلادیش سەد هەزار كەسێك دەبن و ساڵی 2004
حكومەت بڵاوكراوەكەیانی قەدەغە كرد. لە ئەندەنوسیاش ساڵی 2008 كاتێك چالاكیەكانیان
بەرەو زیاتر دەڕۆشت حكومەتی ئەو وڵاتە كاروچالاكیەكانی قەدەغە كردن.
لە وڵاتی جەزائیر نزیكە هەزار كەسێك دەبن بەڵام بەرپرسانی
قادیانی دەڵێن زیاترن لە پێنج هەزار كەس و ساڵی 2016 ش نزیكەی نۆ كەس لە
بانگخوازانی قادیانی دەستگیركراون بەڵام بەرپرسانی جەزائیری لەو بارەیەوە گوتویانە
(كێشەكە ئەمنییە نەك ئاینی).
كەسایەتییە دیارەكانی قادیانی
حەكیم نورالئاین البهریری، دوای میرزا غوڵام بە گرنگرترین
كەسایەتی قادیانییەكان دێت، دوای مردنی میرزا غوڵام ئەو كارەكانی بەڕێوە بردووە، ساڵی 1843 لە دایك بووە زمانی فارسی و عەرەبی بە
باشی زانیووە.
مەحمود ئەحمەد كوڕی غولام ئەحمەد: جێگرەوەی دووەمی میرزا
غوڵامە، دوای مردنی حەكیم نورەئاین ، ئەو بانگەشەی بۆ ئەوە دەكرد كە دەتوانێت هەموو
سەرزەوی یەك بخاتەوە، ئەو تەنها خەلیفەی هیندستان نیە،و سوڵتانی هەر حەوت كیشوەرەكەی
دونیایە.
خواجە كەمالەئاین: ئەم كەسایەتیە بانگەشەی بۆ ئەوە دەكرد
كە لە كارو كردەوەیدا دەچێتەوە سەر میرزا غوڵام، خاوەنی سامانێكی زۆر بوو، دواتر بۆ
بانگەوازی قادیانیەت چووە بەریتانیا و لە بەر ئەوەی كەوتبووە نێو ژیانی دونیایی و
پارەو ئافرەتەوە، ئیدی لە كارەكەی دوور كەوتەوە.
هەڵوێستی هەندێك لە زانایانی ئیسلامی
هەر لە سەرەتای دروستبوونی ئەم بزوتنەوەیەوە زانایانی
موسڵمان هەڵوێستیان لەبارەیەوە دەربڕی، شێخ ئەبولوەفا) ئەمیری (جمعیەی ئەهلی حەدیس)
لە هیندستان، گفتوگۆی رووبەڕووی لەگەڵ میرزا غوڵام ئەنجام دا و سەرجەم بەڵگەكانی رەتكردەوە،
بەڵام ئەو هەر سوور بوو لە سەر كارو بەروانامەی خۆی، چەند رۆژێك دوای ئەو گفتوگۆیە
میرزا غوڵام كۆچی دوایی دەكات، ئەبو لوەفا نزیكەی پەنجا كتێبی هەیە لە بارەی سەلماندنی
ناڕاستیەكانی بیرو باوەڕی قادیانی.
هەر لەو میانەیەدا (پەرلەمانی پاكستان) دانیشتێك ئامادە
دەكات بۆ (میرزا ناصر احمد) و (شێخ موفتی مەحموود) گفتوگۆی نێوانیان نزیكەی 30
كاتژمێری خایاند، میرزا ناصر شكستی هێنا لە وەڵامدانەوە موفتی، بۆیە پەرلەمان دوای
ئەو دانیشتنە بە زۆرینەی دەنگ بڕیاریاندا كە (قادیانی) كەمینەیەكی ناموسڵمانن.
ساڵی 1974 كۆنگرەی پەیوەندی جیهانی ئیسلامی لە مەككە، بە
ئامادەبوونی زۆرینەی رێكخراوە ئیسلامیەكانی جیهان دوای گفتوگۆیەكی فراوان گەیشتنە
ئەو بڕوایەی قادیانیەت دەرچوونە لە بازنەی ئیسلام و داوایان لە موسڵمانان كرد كە بەرەنگاریان
ببنەوەو مردوەكانیشیان لە گۆڕستانی موسڵمانان دا نەنێژن.
بەكورتی، بۆچوونی سەرجەم دەستەی فەتواو رێكخراوە ئیسلامیەكانی
جیهانی ئیسلامی هەمویان قادیانییەكان بە بێ باوەڕ و دەرچوو لە ئاینی ئیسلام دەزانن.
فەتواكان لەو بارەیەوە ئێجگار زۆرن و هەمویان راستەوخۆ بە گروپێكی لادەر و سەر لێشێواویان
دەزانن.
بۆچی قادیانییەكان ئەفریقایان هەڵبژاردووە؟
قادیانییەكان كاری زۆریان لەسەر كیشوەرەكان كردووە بە
گشتی، بەڵام كیشوەری ئەفەریقا زۆرترین كاردانەوەی ئەرێنی هەبووە، ئەوەش دەگەرێتەوە
بۆ تایبەتەمەندیەكانی ئەو كیشوەرە كە بەشی زۆرینەیان هەژارنشینن ، لەو كیشوەرەدا سەدان
بانگخوازیان بڵاوەی كردووە، دەیان قوتابخانەو مزگەوت و نەخۆشخانە دەكەنەوە، چەندین
جار چاپی كتێب و بیروباوەڕی خۆیان دەكەن و بڵاوی دەكەنەوە ، تەفسیری (الكتاب المبین)
كە وەك خۆیان دەڵێن كتێبی خوایە بۆ ئەوانی ناردووە لەگەڵ تەفسیرەكەی بڵاو دەكەنەوە.
ئەوان بەردەوام كا لە سەر سێ خاڵ دەكەن:
- دامەزرێنەری قادیانی كە غوڵام ئەحمەدە وەك عیسا وایە.
- جیاوازی نییە لە نێوان ئاینە ئاسمانییەكاندا ئەوە كە جیاكاری
بكات ئەوە كەسانێكی توندڕەوی ئاینەكانن.
- قادیانییەكان بانگەشە بۆ ئاشتی و ئاسایش دەكەن و پێیان خۆشە
پێكەوە ژیان لە نێوان میللەتان پەرە بگرێت و توندو تیژی بە هەموو شێوەكانیەوە رەت
دەكەنەوە.
بڵاوكراوەكانیان
قادیانییەكان لە هەموو جیهاندا ئەم بڵاوكراوانەیان هەیە:
لە نەیجیریا گۆڤارێكی هەفتانە بە زمانی ئینگلیزی.
لە گانا گۆڤارێكی مانگانەی ئینگلیزی.
لە سیرالیۆن گۆڤارێكی مانگانەی ئینگلیزی.
لە كینیا گۆڤارێكی وەرزی بە ئینگلیزی
لە خۆرهەڵاتی ئەفەریقا گۆڤارێكی مانگانە بە زمانی ناوچەیی.
لە مۆرشییوس گۆڤارێكی مانگانە بە ئینگلیزی و فەرەنسی.
لە سیلۆن گۆڤارێكی مانگانە بە ئینگلیزی.
لە ئەندەنوسیا گۆڤارێكی مانگانە بە زمانی ئینگلیزی.
لە ئیسرائیل گۆڤارێكی مانگانە بە زمانی عیبری.
لە سویسرا گۆڤارێكی مانگانە بە زمانی ئەڵمانی.
لە لەندەنی پایتەختی بەریتانیا گۆڤارێكی مانگانە بە زمانی
ئینگلیزی.
لە دانیمارك گۆڤارێكی مانگانە بە زمانی دانیماركی.
ئەمە جگە لەو هەموو كتێب و بڵاوكراوانەی كە لە دونیادا بڵاوی
دەكەنەوە، هەروەها دروستكردنی مزگەوت لە سەرانسەری جیهان ئەوەش بەم شێوەیە:
لەم وڵاتانەدا مزگەوتێك دروست دەكەن لەوانەش ئەمەریكا، هۆڵەندا،
سویسرا، بۆرما،هەروەها لەم وڵاتانەش دوو مزگەوت: ئەڵمانیا، سیلۆن، مەلایۆ، وڵاتە یەكگرتووەكان،
لە بورنیو دوو مزگەوت لە سیلۆن شەش مزگەوت، لە موریشیوس بیست مزگەوت،لە نەیجیریا و
سیرالیۆن شەست مزگەوت، لە ئەندەنوزیا 60مزگەوت و لە گاناش 161 مزگەوتیان كردۆتەوە.
بیرباوەڕی قادیانییەكان
1-ئەوان باوەڕیان بە
دۆنادۆن هەیە.باوەڕیان وایە كە حەزرەتی ئیبراهیم ڕۆحی چۆتە جەستەی پەیامبەری موسڵمانان
محەمەد(د.خ) میرزاش كە سەرۆكی قادیانییەكانە رۆحی حەزرەتی ئیبراهیم و محەمەدی تێدا
بەرجەستە بووە. بە پێی بیروباوەڕی قادیانییەكان رۆح نامرێت بەڵكو كاتێك كەسێك دەمرێت
رۆحی ئەچێتە جەستەیەكی دیكەوە.
2-باوەڕیان وایە
خودا رۆژوو دەگرێت و نوێژ دەكات، دەخەوێت و هەڵەش دەكات.میرزا دەڵێت" خودا پێی
گوتووم كە ئەویش رۆژ و نوێژ دەكات و دەخەوێت و لە خەویش بێدار دەبێتەوە.ئابڵوقەی هەموو
كردارێكی چاك و خراپەمان داوە.
3-باوەڕیان وایە پێغەمبەرایەتی
بە محەمەد كۆتایی نەهاتووە، خوا پەیامبەر لە كاتی پێویستیدا دەنێرێت، هەر بۆیە غوڵام
ئەحمەد باشترین كۆكراوەی پەیامبەرانە.خودای گەورەش جوبرائیلی بۆ غوڵام ئەحمەد
ناردووە سروشی قورئانی داوەتێ.
4-ئەوان دەڵێن
قورئان كۆتا دەق نییە، پەیامبەریش نییە جگە
لەوەی دەبێت لە ژێر ڕێنمایەكانی غوڵام ئەحمەد بێت.باوەڕیشیان پەرتووكەكەیان ناوی"كتاب
المبین"ە و لە قورئان جیاوازە.
5-باوەڕیان وایە كە
پەیڕەوكەرانی ئاینە تازەكە سەربەخۆن و شەریعەتیشیان سەربەخۆیە. وەكو لە كتێبەكەیان
هاتووە هاوڕێیانی غوڵام وەكو "هاوەڵان" ئەوهان. كە ژمارەیان 92 كەسە.
" هیچ جیاوازییەك لە نێوان هاوەڵانی پەیامبەری ئیسلام و فێرخوازانی غوڵام ئەحمەد
نییە.هاوەڵانی پەیامبەری ئیسلام نەوەی یەكەمن و ئەوانەی میرزا غوڵام نەوەی دووەمن.
6-باوەڕیان وایە كە
حەجی گەورە ئەو حەجەیە سەردانی قادیان بكەن و لەوێش زیارەتی مەزاری قادیان بكەن.ئەوەشیان
نووسیووە كە شوێنە پیرۆزەكان سێ شوێنن"مەككە، مەئاینە، قادیان" لە دەقەكانیاندا
هاتووە" حەجی مەككە ئەژمارناكرێت ئەگەر بێت و حەج بۆ قادیان نەكەیت.لەبەر ئەوەی
حەجی مەككە پەیامەكەی ناپێكێت.
7-خواردنەوە و ماددە
هۆشبەرەكان ڕێگەپێدراوە(حەڵاڵە)
8-هەموو موسڵمانێكیان
لە لا كافرە تاوەكو ئەوكاتەی نەیەنە سەر ئاینی قادیانی.هەركەسێكیش ژن و ژنخواز لەگەڵ
ئەوانەی قادیانی نین ئەنجام بدات.كافرە.
9-جیهاد ڕەتدەكەنەوە.گوێڕایەڵی
كوێرانەی حكومەتی ئینگلیزن چونكە لە كۆندا داگیركەری هیندستان بوون.بە پێی وتەی سەرۆكەكەیان
ئینگلیز گەورەی موسڵمانان.
10-باوەڕیان وایە كە خودا
ئینگلیزە و بە ئینگلیزی دەدوێت.