03:09 - 18/01/2021

هەڵبژاردنی پێشوەختەی عێراق لەنێوان 6 حوزەیران و 16 ئۆكتۆبەردا‌

پەیسەر

رۆژی 30 تەمموزی ڕابوردوو مستەفا كازمی سەرۆک وەزیران ڕایگەیاند ، بۆ چارەسەركردنی كێشە قووڵەكانی عێراق هەڵبژاردنی پێشوەختە لە رۆژی 6 ی حوزەیرانی ساڵی 2021 دا ئەنجام دەدریت و كۆمیسیۆنی باڵاش ڕایدەگەیەنێت لە كاتی دیاریكراودا ناتوانن ئامادەكارییەكان تەواو بكەن و رۆژی 16 ئۆكتۆبەر بە گونجاو دەزانن و لایەنە ساسیەكانیش هەریەكەو هەڵوێستێكی هەیە .

دوای ئەم ڕاگەیاندنە، لایەنە سیاسییە عێراقیەكان لە میدیاکانەوە كاردانەوەی جیاوزیان نیشاندا ، هەندێک پشتیوانی بانگەشەی هەڵبژاردنی "پێشوەختە"یانکرد، لەوانەش سەرۆک کۆمار لە پشكی كورد و سەرۆکی ئەنجومەنی نوێنەران لە پشكی سونەكان و تەنانەت ڕێكخەری نەتەوە یەکگرتووەکان لە عێراق و کۆمیسیۆنی باڵای سەربەخۆی هەڵبژاردن و هەروەها ژمارەیەکی زۆر لە سەرکردەی لایەنە سیاسییەکانیش پشتیوانی ئەو پێشنیارەیان كرد .

دەكرێت بە كورتی وەڵامی لایەنەکان بەم شێوەیە بخەینەڕوو: لایەنە شیعییەکان پێشوازییان لەو بریارە كردو و لەگەڵ ئەوەشدا داخوازی هەندێک لایەنی شیعە هەبوو بۆ نزیککردنەوەی ئەو بەروارە ، هاوکات پێشوازی لایەنە سوننەکانی بەدەستهێنا بە مەرجی "گەڕانەوەی ئاوارە ناوخۆییەکان بۆ سەر ماڵ و حاڵی خۆیان و بەکارهێنانی ناسنامەی بایۆمەتری و کشانەوەی میلیشیاکان لە ناوچەکانیان" .

بەڵام حیزبە کوردییەکان پشتگیری کردن یان دژایەتی کردنی بەیاننامەکەیان نەكردو هیچ لێدوانێکیان هەڵنەبژارد لەگەڵ ئەوەشدا زۆر پشت بە بەشداریكردن دەبەستن و پاڵپشتی کاریگەری لایەنە سیاسییەکان دەكەن بۆ هەڵوەشاندنەوەی پەرلەمان لە قۆناغی داهاتوودا، و پاڵپشتییە کاریگەرەکانیان ڕەنگە کەمتر پشت پێ بەستوو بێت لەوەی کە لێدوانی گشتی و ئاشكرایان هەبێت.

 لەگەڵ ئەوەی وەزارەتی کۆچ‌و کۆچبەرانی عێراق بڕیاریداوە لەسەرەتای ساڵی ٢٠٢١دا دۆسیەی ئاوارەکان لەعێراق بەیەکجارەکی کۆتایی پێبهێنێت‌و سەرجەم کامپی ئاوارەکان دابخات، بەڵام تائێستا هیچکام لەکامپەکانی پارێزگای هەولێرو دهۆک دانەخراون کە هەزاران ئاوارەی ئێزدییەکان تێدا نیشتەجێیە. بەم كارەش یەكێك لە بنەماكانی هەلبژاردنی خاوێن دەكەوێتە ژێر پرسیارەوە.

نەخشەڕێگای هەڵبژاردن:
وەک چاودێرانی سیاسی تێبینیان کردووە ، سەرۆک وەزیران دەسەڵاتی دەستووریی نییە بۆ دانانی بەرواری هەڵبژاردن ؛ بەڵکو ڕاگەیاندنەکەی تەنیا " لێدوانی سیاسی " و " جێبەجێکردنی بەڵێنەکان "ی خۆی بوو .

بۆیه به رهه م ساڵح سه رۆک کۆمار ڕایگه یاند که ده سه ڵاتی ده ستووری هه یه بۆ دیاری کردنی ڕۆژی هه ڵبژاردن و له 3 ی ئابی ساڵی پاردا ڕاگه یه ندراوێکی بڵاو کرده وه که نەخشەی ڕێگای هه ڵبژاردنه کانی پێشوەخته ی تێدا ئاشكراكردووە كە هەنگاوەکان بریتین لە:

1-داواکاریی حکومەت بۆ هەڵوەشاندنەوەی پەرلەمان .
2-دەنگدانێكی تر بە بەپەرلەمان.
3-دیاریکردنی سەرۆکێكی تر بۆ دیاریکردنی کاتی هەڵبژاردن لەماوەی دوو مانگی دەستبەرداربوونی پەرلەمانی ئێستادا . سەرۆک کۆمار لەوبەیاننامەیەدا ، باسی لەمادەی 64 ی دەستووری عێراق کردووە .

بەڵام پرسیارەکە ئەوەیە: ئایا بەڕاستی لایەنە سیاسییەکانی عێراق نیازی ئەنجامدانی هەڵبژاردنی پێشوەختیان هەیە؟
هەڵبژاردنی پێشوەخت ڕووبەڕووی چەندین ئاڵەنگاریی دەبێتەوە، کە زۆرێک لەو بەربەرەکانێی پێویستن لایەنە سیاسییەکان لەچوارچێوەی یاسایی مشتومڕیان لەسەرە ، یان ناتەواوە، توانای حکومەتی فیدراڵ بۆ ئەوەی ئەم مەترسییانە خوارەوەی لەسەر بێت ، ئەوەش جیاوازییەکی گەورە لە سەرکەوتن یان دواخستنی هەڵبژاردنی پێشوەختدا دروست دەکات . 

هەڵوەشاندنەوەی پەرلەمان :
چاودێرانی سیاسی پێیان وایە لایەنە سیاسییەکان جدی نین لە پرسی هەڵوەشاندنەوەی پەرلەمان. تا ئێستا ئەنجومەن هیچ بەروارێكی بۆ کۆبوونەوەیەكی لەوبارەیەوە دیاریی نەکردووە و تەنها بە لێدوانی پشتیوانیكردن و  پشتگیری مامەڵەی لەگەڵ ئەو پرسەدا کردووە، ئەگینا هیچ هەنگاوێكی كرداریی بۆ ئەو بابەتە نەكردووە. 
بۆ نموونە محەمەد حەلبووسی سەرۆکی ئەنجومەنی نوێنەران پشتگیری لە بەیاننامەکە کرد و داوای " دانیشتنێكی پەرلەمانی كرد بە ئامادەبوونی سەرۆک کۆمار و سەرۆک وەزیران و لایەنە سیاسییەکان " ، بەڵام کەس کاری بۆ ئەو بانگەوازە نەکرد و هیچ بەروارێکی بۆ دانیشتنەکە دیاری نەكرا .

چاودێران پێیان وایە زۆربەی لایەنە سیاسییەکان ڕازین بەو ئاستەی کە ئێستا نوێنەرایەتییان هەیە، هەر جۆرە هەڵبژاردنێكی نوێ کاریگەرییان کەم دەکاتەوە، لەبەر ئەوە هیچ ئارەزوویەکی ڕاستەقینەیان نییە بۆ شوێنكەوتنی ئەنجامێک کە لەوانەیە زیان بە بەرژەوەندییەکانیان بگەیەنێت لە داهاتوودا، بەشێوەیەكی تر ئامادەنین خۆیان بخەنە بەردەم ئەو تاقیكردنەوە قورسەوە كە دەرەئەنجامەكەیان بەلاوە ڕوون نیە و بەرچاویان ڕوون نەبێت. 

نوێنەرەکانی ئێستا تامەزرۆی لەدەستدانی کارەکانیان نین و نایانەوێت دەستبەرداری موچەو سودەکانی تریان ببن، چونکە هیچ گەرەنتییەک نییە بۆ ئەوەی پۆستەکانیان پارێزراوبێت،  یان بەردەوام بن لە بەشداریکردنیان لە پرۆسەی سیاسی ئەگەر حکومەت لە هەڵبژاردنی پێشوەختدا بەردەوام بێت. 

تەواوکردنی یاسای هەڵبژاردن:
هەندێك پێیان وایە ئەوەی کە ڕێ لە هەڵبژاردنی پێشوەختە دەگرێت، هەبوونی چوارچێوەی یاسایی ناڕوونە،  پەرلەمان شکستی هێناوە لە تەواوکردنی یاسای نوێی هەڵبژاردن کە لە 24ی کانوونی یەکەمی 2019 دا دەرچوو گرنگترین پێکهاتەی یاساکە - میکانیزمی دابەشکردنی قەزاکانی هەڵبژاردن - بە ناتەواوی ماوەتەوە .
بەلەبەرچاوگرتنی ئەو ناڕوونیانەی کە ئەم هەڵبژاردنەدا هەیە، هەندێک لایەن پشتگیری لە دەستبەرداربوونی تەواوی یاسای نوێ و گەڕانەوە بۆ یاسا کۆنە دەکەن کە هێشتا كاری پێدەكرێت . سیستەمی نوێی هەڵبژاردن دەتوانێت شه ش کورسی له به غدا بۆ سوننه کان به ده ست بخات و لە شیعەكانی كەم بكاتەوە، ئەوەش مەترسی زیاتری بۆهێناوەنەتە پێشەوە.

دادگای فیدراڵی :
وەك هەندێك  لە شارەزایانی سیاسی باسی دەكەن، دادگای فیدراڵی لە ئێستادا ئیفلیجەو ناتوانێت كارەكانی ڕابپەڕێنێت ، ناتوانێت دوای خانەنشینکردنی دادوەرێک كورسییە خاڵییەكە پڕبكاتەوە . هەروەها دادگاکە بەدەست بێتوانایی پەرلەمانەوە دەناڵێت بۆ تێپەڕاندنی یاسای نوێ لەسەر دادگای فیدراڵی هەروەک لەدەستووردا هاتووە .
بۆ چارەسەركردنی ئەو كێشەیە سەرۆك كۆمار پێشنیارێكی نوێی هێناوەتە پێشەوە كە دادگای ئیتیحادی لە نۆ ئەندام پێكبێت، پێنج دادوەر و دوو پسپۆڕی فیقهی دەستووری و دوو پسپۆڕ لە فیقهی ئیسلامیدا، بەو پێیەی زۆرینەی یاساكانی عێراق پشت بە شەریعەتی ئیسلامی دەبەستێت، بەڵام وەك شارەزایان باسی دەكەن ئەم جۆرە كارانە پێویستی بە كردار هەیە نەك گوفتار. بۆیە هیچ لەوبارەیەشەوە نەكراوە.

کێشەکانی کۆمیسیۆنی باڵای سەربەخۆی هەڵبژاردن :
یاسای نوێی هەڵبژاردن بەشێوەیەکی کاریگەر کۆمیسیۆنی باڵای هەڵبژاردنەكان هەڵدەوەشێنێتەوە و 29 بەڕێوەبەری گشتی لە پۆستەکانیان لابردووە، ومووچەكانیان لە کۆمیسیۆن دەبڕدرێت . سەرەڕای ئەو بەڵێنە زۆرەی حکومەتی نوێ داویەتی، بەڵام کۆمسیۆنی باڵای سەربەخۆی هەڵبژاردن هیچ بڕە پارەیەکی پێنەگەشتووە، تا ئێستاش.   

سەرەڕای ئەوەش كۆمیسیۆنی باڵا كێشەی گەورەی هەیە و ماوەی دوو ساڵە كێشەی وەزیفییان زۆرە . لە دەرئەنجامدا لیستی هەڵبژاردن نوێ نەکرایەوە.  لەکاتێکدا زۆرێک لەلایەنە سیاسییەکان داوای بەکارهێنانی بایۆمەترییان کردووە لە هەڵبژاردنەکاندا ، بەڵام کۆمیسیۆن توانای نوێکردنەوەی خێرای نییە بەوەش خەڵكێكی زۆر بێبەش دەبن لە دەنگدان .

 سەرەڕای ئەم کێشانە ، چەندین ئاڵۆزی تری هەیە ، هەروەها ئامادەباشی بۆ هەڵبژاردنی کەمتر لە ساڵێک بەندە بە توانای حکومەت بۆ چارەسەرکردنی کێشەکان كە ئێستا حكومەت لە قەیرانی دارایی قوڵدایەو لەلێواری لەناوچوون نزیكە . 

ئاسایشی هەڵبژاردن :
ئاسایش توخمێکی سەرەکییە لە هەموو هەڵبژاردنێکدا ، نیگەرانییە ئەمنییەکان لەو شکستانەی پێشووی ئەو وڵاتەوە سەرچاوە دەگرێت کە نەیانتوانیوە چەك كۆنترۆڵ بكەن لەناوخۆی وڵاتدا هێزی زۆرلە عێراقدا بە زەبری هێز دەستەباڵان و تەنانەت كاریگەرییان لەسەر پرۆسەی هەلبژاردنیش هەیە . بارودۆخی ئەمنی ی ئێستا هەڕەشە لە خاوێنی سیستەمی هەڵبژاردن دەکات و هەموانیش باش دەزانن كە گروپە چەکدارەکان لە ڕابردوودا دەستوەردانیان لە پرۆسەی هەڵبژاردن کردووە.  

چاودێری نێودەوڵەتی :
زۆرێک لەسەرکردەکان لەوانە سەرۆک کۆمار و موقتەدا سەدر داوای چاودێری نێودەوڵەتیان کردووە بۆ هەڵبژاردنەکان بۆ " ڕێگرتن لەساختەکاری و دەستکاری نەکردنی ئەنجامەکان "، ئەوانی دیکەش هاوڕان لەسەر ئەوەی کە بوونی چاودێرانی نێودەوڵەتی و سەرپەرشتیکردنی نەتەوە یەكگرتووەكان هەنگاوی بنەڕەتین بۆ هەڵبژاردنێكی دادپەروەرانە .

لەگەڵ ئەوەشدا هەندێک دژی هەر دەستتێوەردانێکی دەرەکین و ئەو جۆرە چاودێرییە وەک دەستتێوەردان لە کاروباری ناوخۆی عێراق دەبینن ، تەنانەت پێیان وایە دەبێت یارمەتی تەكنیكی لایەنەكانی دەرەوەش سنووردار بكرێت، بۆ ئەوەی هیچ ڕۆڵێكیان نەبێت لەوبارەیەوە.

ترس لەگۆڕانكاری سیاسی :
هەمووان كۆكن لەسەر ئەوەی ئەو کێشانەی سەرەوە بەبێ ئیرادەیەكی سیاسی ناکرێت و تا ئێستاش بەتەواوەتی دیار نییە لایەنە سیاسیەکان جدین لەهەڵبژاردنی پێشوەختە یان نە .
زۆربەی ئەندامانی پەرلەمان ترسی ئەوەیان هەیە هەر گۆڕانکارییەک لە ئەنجومەنی یاساداناندا بکرێت و لایەنەكان بە ئەنقەست بیانەوێت هەڵبژاردنەکان دوابخەن یان بەلاڕێیدا ببەن. ئەو مشتومڕەی كە هەیە بۆ ئەوەیه وادەی هه ڵبژاردن دوابخرێت.

هەنگاوەکانی داهاتووچی دەبن؟
سەرۆک کۆمار و سەرۆک وەزیران جوڵەی خۆیان کردووە و تۆپەکە ئێستا لەگۆڕەپانی ئەنجومەنی نوێنەراندایە . دەبێت بڕیار بدەن هەنگاوەکانی داهاتوو چییە ، بەڵام بەسەرنجدان لە 10 مانگی ڕابردوویان، ناتوانین ئومێدێکی زۆریان لەسەرهەڵبچنین.

ئەو ئاڵەنگارییانەی کە لەسەرەوە ئاماژەی پێكرا هەندێكی ئاساییەو لە هەموو هەڵبژاردنێكدا دەكرێت، هەندێکی تریشیان تەکنیکین، بەشێكیشی لۆجستی و زۆرینەشیان سروشتێکی سیاسین كە لەئەنجامی بەریەك كەوتنی گروپەكانەوە سەرهەڵدەدەن. ڕاستە کێشەی لۆجستی و تەکنیکی چارەسەر دەکرێت ، بەڵام ناکرێت هەموو شت لەسەر جیاوازی سیاسی بگوترێت و تائێستاش كرانەوەی پێویست لە كۆمەڵگەی عیراقی و پێكهاتەی سیاسیدا نەهاتووەتە پێشەوە.

هەموو ئاماژەکان بۆ ئەوەیە لایەنە سیاسییەکانی عێراق بەرژەوەندی خۆیان لە سەرووی بەرژەوەندی گشتییەوە دادەنێن، نەك بە پێچەوانەوە .

دواجار:
لە ئەنجامدا، لێدوانەكانی ئەم دواییانەی بەرپرسانی عێراق و لایەنی پەیوەندیدار بۆهەڵبژاردنی پێشوەختە لەوادەی خۆیدا (6/6/2021) بەدوور دەبینرێت، پێناچێت لایەنگرانی هەڵبژاردنی پێشوەختە بتوانن ئەو ئأڵەنگارییانە تێپەڕێنن و حیزب و لایەنە نەیارەكان باوەڕ پێبهێنن كە هەڵبژاردنی پێشوەختە لەبەرژەوەندیی ئەوانیشە.

ئەحمەد ئەلکەنانی ئەندامی ئەنجوومەنی نوێنەرانی عێراق پێیی وایە دیاریکردنی 6ی حوزەیران بۆ هەڵبژاردنی پێشوەخت، شەخسیە و بە میزاجی کازمی بوو بەبێ وەرگرتنی ڕای لایەنە پەیوەندیدارەکان" بۆیە سەرناگرێت و باشترە دوابخرێت.

گوتوشیەتی:"تاکە کەس کە بەرپرسە لە دیاریكردنی بەرواری هەڵبژاردنەکان، کۆمسیۆنی هەڵبژاردنەکانە، دوای ئەوەی لەگەڵ حکومەت دەكات تا پێداویستی دارایی دابین بکات و هەروەها لەگەڵ پەرلەمان گفتوگۆ بکات بۆ تێکەڵکردنی سەرجەم بۆچوونەکان" و ڕوانگەی یاسایی بۆبدۆزێتەوە.

بەها ئەلئەئعرەجی جێگری پێشووی سەرۆک وەزیرانی عێراق هۆشداریدا کە دواخستنی وادەی هەڵبژاردنی پێشوەختە وا دەکات ڕووبەڕووی هەڵبژاردنی ڕەوا بینەوە بۆ ئەوەی لایەنەکان دەسەڵات و دیکتاتۆرییەتی خۆیان بەکار بەرن و لە خواستی گەلەکانیان تێپەڕبکەن .

ئەلئەئەرجی لە تویتەکەیدا دەڵێت " دواخستنی هەڵبژاردنی پێشوەختە تا ئەو وادەیە نوێیەی لە شەش مانگ زیاتر نەبێت لە وادەی دەستووریی خۆی بەو مانایە نییە کە ئێمە بەرەوڕووی هەڵبژاردنی پێشوەختە ببینەوە " .

ئەوەشی وت: "ئەوە هەڵبژاردنێکی لە بێژنگدانی لایەنەکانە، کە دەسەڵات و دیکتاتۆری خۆیان بەکار بەرن و تا لە خواستی گەلی خۆیان تێپەڕبکەن.

حكومەت بەردەوامە:
فواد حسێن، وەزیری دەرەوەی عێراق، ئامادەکارییەکانی هەڵبژاردنی پێشوەختەی لەگەڵ سەرۆکی ئەنجومەنی کۆمیسیارانی کۆمسیۆنی باڵای سەربەخۆی هەڵبژاردنەکان تاوتوێ کردوەو دوای ئەوەش لە بەیاننامەكەدا ڕایانگەیاندووە:" پشتیوانی لە پرۆسەی هەڵبژاردن دەكەن و داوای چاودێرانی نێودەوڵەتی بۆ چاودێری کردنی پرۆسەكە دەكەن"

لە راگەینراوەکەدا جەخت لەسەر ئەوە کراوە کە "حکومەت بەردەوامە لە ئەنجامدانی هەڵبژاردنی پێشوەختە، کە یەکێکە لە ئامانجە سەرەکییەکانی چاكسازییەكانی حکومەت، جەخت لەسەر ئەوەش کراوەتەوە کە "ئەو ئامادەباشیەی حکومەت بۆ دابینکردنی هەموو ئەو پێداویستیانەی کە هەیه و دابینکردنی ژینگەیەکی ئارام بۆ هەڵبژاردنی دادپەروەرانە کە ستانداردی نێودەوڵەتی تێدا بێت"

سەرۆکی ئەنجومەنی کۆمیسیۆنی باڵای سەربەخۆی هەڵبژاردنیش جەختی کردەوە كە پێویستە هەموو وەزارەت و دەزگاکانی دەوڵەت بۆ تەواوکردنی پلانەکانیان لەگەڵ کۆمیسیۆنی هەڵبژاردن هەماهەنگی بکەن و ئەو ئامادەکارییانەی لەلایەن کۆمیسیۆنەوە بۆ سەرخستنی پرۆسەی هەڵبژاردن کراوە سەربخەن .

ڕؤڵی حەشدو قۆستنەوەی دۆخی بێكاریی:
لەگەڵ نزیکبوونەوە لە هەڵبژاردن، كارەکتەرانی سیاسی و جەماوەریی حەشدی شەعبیش، هەڵوێستەكانیان بۆ ڕای گشتی زیاتر ڕون دەكەنەوە و هەوڵدەدەن لایەنگرانی زیاتر بەدەستبێنن، وەک چۆن لە هەڵبژاردنەکانی ساڵی 2018دا ئەنجامیان داو دەیانەوێت لەم خولەشدا بەبەهێزیی بمێننەوە.

لە ڕاستیدا نەبوونی کار بووەتە هۆی ئەوەی هەزاران عێراقی وەک خۆبەخش لە ساڵی 2014 وە بچنە ناو حەشدی شەعبیەوە و بەوەش دەنگیان بەرەو سەرەوە هەڵبكشێت و هەر ئەوەش ببێتە مەترسی بۆ عێراقی داهاتووە.

بزووتنەوەی ناڕەزایی لە بەغدا و پارێزگاکان لە ئۆکتۆبەری 2019 دا، لە نێوان چەند شتێکی تردا نیشانی دا، کە خۆپیشاندەران ماوەیەکی زۆرە بەدوای کار و ژیانێکی باشترەوە بوون، بەوەش تۆڵە لەو لایەنانە بكەنەوە كە بە هۆكاری سەرەكی دۆخی عێراق دەزانن. کە بە بڕوای چاودێران، ڕەنگە گەنجان لە بەرامبەر ئیهانەی دارایی حزبە تەقلیدی و شەعبییەکان، لاببەن و نموونەیەكی دیكە بێننە پێشەوە.

بۆ 16 ئۆكتۆبەر؟
مەزر كروی ئەندامی ئەنجومەنی نوێنەران ، باس لەوە دەكات دواخستنی هەڵبژاردنەكان بۆ مانگی ئۆكتۆبەری داهاتوو ئەگەرێكی چاوەڕوانكراوە. بەڵام هێزەکان بە هۆکاری جۆراوجۆر نایانەوێت بە ئاشکرا پشتیوانی لە دواخستنی بكەن و بۆیە پرۆسەكە بۆ کۆمیسیۆن بەجێ دەهێڵن وەک خاوەن بڕیار لە بڕیارەکەدا بەپێی توانا مەیدانییەکانی خۆی چونکە هەڵبژاردنەکان زۆر جیاوازە لە هەموو دانیشتنەکانی پێشوو لە ڕووی فرە پێکهاتەییەوە "

.
وتیشی:"دواخستنی هەڵبژاردنەکان بۆ مانگی تشرینی یەکەم ڕەنگە دواخستنیێكی تریش بەدوای خۆیدا بێنێت، کە ئەگەر هەڵبژاردنی ئەنجومەنی پارێزگاکان بە ڕێککەوتن بکرێت، یان لانیکەم لە هەمان هەفتەدا، بۆ چارەسەرکردنی کێشەیەکی دیکەی یاسایی كە ماوەیەكی زۆر بەسەریدا تێپەڕیوە. گوتیشی:"ئەوەی بەلای ئێمە گرنگە ئەوەیە کە کاتی هەڵبژاردن جێگیر بێت بە بێ هیچ کێشەیەک ئەنجام بدرێت و  دادپەروەرانە و شەفاف بێت.

هەربۆیە كۆمیسیۆنی باڵای هەڵبژاردنەكان پێشنیارێكی دیكەی خستۆتە بەردەم هەمووان و دەڵێت: لەتوانایاندا نییە لەماوەی دیاریكراودا ئامادەكاریی تەواو بكات و پێدەچێت باشترین كات رۆژی 16 ئۆكتۆبەریبێت نەك 6 حوزەیران. بەڵام ئایا حكومەت دەتوانێت پێداویستیەكانی هەڵبژاردنی پێشوەختە دابین بكات و لەمپەرەكانی بەردەم ئەو پرۆسەیە تەخت بكات و لە وادەی خۆیدا ئەو كارە ئەنجام بدرێت؟