05:44 - 25/11/2019

ئایا بلومبێرگ جێ بە ترەمپ لەق دەكات؟‌

پەیسەر

دیموكراتەكان دواجار بەدیلی ڕاستەقینەی دۆناڵد جەی ترەمپیان دۆزیەوە، بۆ ئەوەی ڕكابەری ڕاستەقینەی هەڵبژاردنەكانی ئەمریكای پێبكەن و بتوانن سەرۆكایەتی ئەمریكا لە كۆماریەكان وەربگرنەوە و جارێكی تر لە نیویۆركەوە گۆرانكاری ڕیشەی لە ئەمریكا و سیاسەتەكانی ئەو وڵاتە لە دەرەوە و ناوەوە بكەن.

ڕۆژی چوار شەممە مایكڵ بلوومبێرگی گەورە بازرگانی ئەمریكا و سەرۆكی شارەوانی نیویۆرك لە تویتێكدا ڕایگەیاند، خۆی بۆ پۆستی سەرۆكی كۆماری ئەمریكا كاندید دەكات و دەیەوێت ببێتە ڕكابەرێكی سەرسەختی دۆناڵد ترەمپ و هەموو  ئەندامانی حزبی دیموكراتەكانی ئەمریكای خۆشحاڵكرد.

مایكڵ بۆمبێرگ خۆی بۆ پۆستی سەرۆكی ئەمریكا دژب دۆناڵد ترەمپ كاندید كرد

دەمەوێت ترەمپ تێكبشكێنم و كۆتای بەدەسەڵاتی كۆماریەكان لە ئەمریكا بهێنم

بڕوانامەی ماستەری لە ئابوری و بازرگانی و بزنس لە زانكۆی هارڤەرد بەدەست هێناوە 

زیاتر لە دوانزە ساڵە سەرۆكی شارەوانی شاری نیویۆڕكە واتە لە ساڵی 2002 وەوە تا كو ساڵی 2013 سەرۆكی شارەوانی بووە.

مایكڵ بلومبێرگ  نۆیەم گەورە دەوڵەمەندی ئەمریكایەو  چواردەیەمین گەورە دەوڵەمەندە لە ئاستی جیهاندا 

پێویستە سیاسەكان بەوردی ئاگاداری گۆرانكارییە ئابوریەكان بن و كار لەسەر ئەوەبكەن كە ئەمریكا بونیاد بنێنەوە نەوەك بیڕوخێنن

هەندێك لە ئامارەكان دەڵێن پێدەچێت لە هەڵبژاردنی داهاتوودا دیموكراتەكان نیویۆرك لەدەست بدەن، كە ماوەیەكی زۆرە بەدەستیانەوەیە بەڵام لە ئێستادا چەندین كێشە لە شاریی نیویۆركدا هەیە وەك گرانی نرخی پێداویستی و گرانی خواردن و تایبەتمەندیەكانی دیكەو هەروەها گرانی باج و كرێی گواستنەوە ئەوەش وادەكات كە دیموكراتەكان لەو شارە لاواز بن

لەلایەكی تریشەوە لە ماوەی ساڵی ڕابردوودا چەندین جار كارەبای شاری نیویۆرك بڕا و ئەوەش ڕەخنەی زۆری لێكەوەتەوە لەلایەن خەڵكی ئەو شارەوە و دۆناڵد ترەمپیش بڕانی كارەباكەی خستە ئەستۆی  دیموكراتەكان و ڕایگەیاند: دیموكراتەكان بونەتە كێشەیەكی گەورە بۆ نیویۆرك و هەركێشەیەك لەو شارە روودەدات خەتای دیموكراتەكانە و پێویست چیتر خەڵكی ئەو شارە دەنگیان پێنەدات.

سەرەڕای ئەوەی چەندین كێشەی گەورەیی ڕیشەیی لە شاریی نیویۆرك هەیە و تا ئێستا چارەسەر نەكراون ، بەڵام گرفتی هەرە گەورەی ئەو شارە ئەوەیە كە هەلی كاری تێدا كەم بووەتەوە و پێدەچێت ئەوەش ببێتە هۆی ئەوەی دیموكراتەكان دەنگەكانی ئەو شارە لەدەست بدەن.


گرنیگی شاری نیویۆرك
شاری نیویۆرك یەكێكە لە گەورەترین شارەكانی ئەمریكا و ژمارەی دانیشتوانەكەی زیاترە لە نۆ ملیۆن كەس و له‌ شاری نیویۆرك 800 زمانی جیاواز قسه‌ی پێده‌كرێت ، ئه‌مه‌ش وای لێده‌كات تاكترین شار بێت له‌سه‌ر زه‌وی كه‌ زۆرترین جۆری زمانی قسه‌كردنی تێدا بێت.!

نازنازی Gotham بۆ شاری نیویۆرك ، داڕێژراوه‌ له‌ لایه‌ن نووسه‌ری ئه‌مریكی  واشنتن ئیرفینگ له‌ ساڵی 1807 ، به‌ مانایی شارۆچكه‌ی بزن دێت “ Goat’s Town ”.

لە  28 ی نۆڤه‌مبه‌ری 2012 باشترین ڕۆژی ئاشتی نیویۆرك بووه‌ تا ئێستا به‌ خۆیه‌وه‌ بینیبێتی، له‌و ڕۆژه‌دا هیچ تاوانێكی كووشتن ئه‌نجام نه‌دراوه‌ ، ته‌قه كردن ، چه‌قۆ لێدان ، یاخود تاوه‌نه‌ توندوتیژیه‌كانی تر هیچیان بوونی نه‌بووه.


لەو شارە حەوت خوێندنگا هه‌یه‌ له‌ شاری نیویۆرك كه‌ شێوه‌یان به‌ ته‌واوه‌تی وه‌ك یه‌كه‌ ،  هۆكاره‌كه‌ی بۆ ئه‌وه‌ ده‌گه‌ڕێته‌وه‌ ئه‌وان ته‌نها پاره‌یان بۆ دروستكردنی 1 نه‌خشه‌ هه‌بوو ، بۆیه‌ نه‌خشه‌كه‌ بۆ هه‌ر 7 خوێندنگاكه‌ به‌كار هاتووه‌.


له‌ ساڵی 1931 ده‌رگای باڵه‌خانه‌ی Empire State كرایه‌وه‌ له‌ نیویۆرك ، زۆرینه‌ی ژووری ئۆفیسه‌كانی بۆش بوون و كه‌س به‌ كرێ نه‌یگرتن  پاشان نازناوێكی بۆ دانرا ئه‌ویش Empty State Building  باڵه‌خانی خاڵی ویلایه‌ت ، ئه‌مه‌ش له‌ لایه‌ن دانیشتوانی نیویۆرك بوو ، وه‌ ئه‌م باڵه‌خانه‌ نه‌بووه‌ جێگه‌ی قازانج و سوود تا ساڵی 1950.

باڵه‌خانه‌یه‌كی 550 پێ به‌رز تێدایە  كه‌ په‌نجه‌ره‌یەكی تێدا نییە ‌ ئه‌م باڵه‌خانه‌ بنیاتنراوه‌ بۆ ئه‌وه‌ی به‌رگری بكات و بوه‌ستێته‌وه‌ دژی ته‌قینه‌وه‌ی بۆمی ئه‌تۆمی ئه‌گه‌ر له‌ هه‌ر كاتێكدا ڕوویدا ، بۆ ماوه‌ی 2 هه‌فته‌.

لەماوەی رابردوودا دیموكراتەكان توانیویانە زۆرترین دەنگی ئەو شارە بەدەست بهێنن و حاكم و سەرۆكی شارەوانی شارەكە دابنێن